球季點評 25/26 Half Break

25/26 Summer Transfer Window

Net Spend ~£230M

Total Wage +£522K

整體

1) 金錢投入方面，轉會交易按部就班，操作順風順水，看似十全十美。唯獨最後後防線上脫腳，錯過了補給，做成而家個個都要客串右閘及中堅問題。

2) 一隊人數方面，成員數目係有增無減，個別位置更有補強，理應調配上更為輕鬆。奈何傷患影響，感覺上少有真正排出/發揮到正選11人既實力。

3) 訓練部署方面，睇慣左高普帶領時既快上快落，入佢中路等模式；到而家史洛帶領時既節奏調慢，想猜傳突入尋找錯誤，即刻冇哂嗰種強隊強勢姿態。場上見到球員每每企定等傳波，再用一兩秒搵隊友橫傳回傳，期望對手有空位出現。唔知呢個係教練團指示定係球員理解史洛諗法有誤。當人地唔怕你就會一湧而上，繼而令自己進退失據，然後久守必失。唉~

個別

1) Isak，出場時間太少，一出即大傷，慘，大拿拿2億。未清楚真正實力？唔知啱唔啱我地用？

2) Wirtz，本身能力已被受肯定，不過再強大，都需要時間適應。半季時間後開始上力，正。

3) Ekitiké，算有速度，有射門觸覺，會同隊友撞牆交流。奈何左邊老是唔啱Channel既Gakpo。

4) Kerkez，後生細仔到大球會就要擔大旗。能力相信仲有提升，而家反而打返自己嗰套仲好。

5) Frimpong，玻璃腳又一代表，正選出都未必踢得哂。係有攻擊力，但防守唔見得穩。難。

6) Mamardashvili，出場機會真係冇。但又真係冇辦法，Ailson係世一龍門，你服我服。希望佢保持耐心同信心，隨時做好準備。